نوشکے: سرمچاراں سیندک پروجیکٹ ءِ گاڑیانی سر ءَ اُرش کرتگ ' بی ایل اے

بلوچ آجوئی لشکر [ بلوچ لبریشن آرمی ] ءِ جارکش ءَ من اِتگ کہ آھانی سرمچاراں سیندک پروجیکٹ ءِ گاڑیانی سر ءَ اُرش کرتگ ۔
آئی ءَ گْوشتگ کہ بلوچ سرمچاراں  گْوستگیں سھب ءَ نوشکے دگ ءِ سر ءَ سیندک پروجیکٹ ءِ دو گاڑی نشانگ کرتگ ۔
جارکش ءَ گْوشتگ کہ چد ءُ پیش شانزدہ اپریل دوھزار دوازدہ ءَ بلوچ سرمچاراں  چَہ ایران ءَ گیس سیلنڈر آروکیں گاڑی نشانگ کرتگ اَنت ءُ بیست ءُ ھشت اپریل ءَ احمد وال ریلوے اسٹیشن ءِ ٹریک گوں تْراکناں سستگ ۔
آئی ءَ گْوشتگ کہ ما پیسر ءَ ھم باز رند ءَ گْوشتگ ءُ اںوں ھم ھژدار دئے اِیں کہ چَہ  بلوچستان ءَ پہ پلمالی شرکتاں تیل ءُ دگہ سامان بروکیں ٹرک واھند وتی کار ءَ بہ دار اَنت اگاں ناں آ ھم بلوچ راج ءِ دژمن ڈسگ بنت ءُ گوں آھاں ھم تْرندی ءَ پیش آیگ بیت ۔ جارکش ءَ گْوشتگ کہ مئے اے رنگیں کارروائی داں بلوچ گلزمین ءِ آجوئی ءَ برجاہ بنت ۔